اخبار الزمالك المصري : رسالة قوية من عمرو أديب للاعبي الزمالك قبل مواجهة الأهلي.. “متخافش مش هيبقى في حكم ميحسبش ضربة جزاء”

وجه الإعلامي عمرو أديب، رسالة قوية للاعبي الزمالك، قبل مواجهة نظيره الأهلي، في نهائي بطولة كأس السوبر المصري بالإمارات.

وقال أديب، خلال تصريحات تليفزيونية ببرنامج “الحكاية”، عبر قناة “mbc مصر”:” يوم الاحد يوم الاحد يوم الاحد هنكسب يوم الاحد”.

وأضاف:” لازم تعرفوا انكم تقدروا تكسبوا وتهزموا نادي المليار و تأخذوا السوبر “.

وشدد أديب:” اوعي يهمك او تخاف مش هيبقي في حكم. يتغاضى عن ضربة جزاء، في ركلة جزاء واضحه وماخدش باله، والكرة خبطت في 4 ايدين، مش هيبقي في كده هيبقى في الحق و المستحق و اوعي تخاف “.

وتابع: اوعي حد يملى دماغك ان الاهلي اخد السوبر 15 مرة وانت 4،انت تقدر تكسب ملكش دعوة مين نازل مين خف”.

وأختتم:” بالحق و المستحق انت تكسب، ربنا هينزل عدالته لانه المفروض ميوصلوش، كان المفروض تلاعب سيراميكا”.

ويلتقي الزمالك مع الأهلي في السابعة والنصف مساء يوم الأحد بتوقيت الإمارات، والخامسة والنصف مساءً بتوقيت مصر، على ملعب محمد بن زايد، في نهائي كأس السوبر المصري.