اخبار الزمالك المصري : رأي مفاجئ من جمال عبدالحميد بشأن مباراة الزمالك القادمة أمام الأهلي

تحدث جمال جمال عبد الحميد،نجم الزمالك السابق،عن مواجهة القمة المقبله بين الفارس الأبيض والأهلي،ضمن منافسات بطولة الدوري المصري الممتاز.

وقال عبدالحميد، خلال تصريحات تليفزيونية ببرنامج “ملعب أون”، عبر قناة “أون سبورت”:” خوان بيزيرا ده هيبقى فلته في الكورة المصرية، لكن موضوع إن اللاعب يتعمد الحصول على بطاقة صفراء في المباراة الماضية لكي يشارك في مباراة الأهلي ده 50% إيجابي و50% سلبي”.

وأضاف: “هو إيه الأهم الفوز على الأهلي ولا الدوري العام؟، الدوري العام طبعًا رقم واحد. عشان الدوري العام بقالنا كتير ما خدناهوش، بقالنا 3 سنين. وكمان لازم نلعب في أفريقيا. يعني الـ 3 نقاط أهم”.

وشدد عبد الحميد:” الإنذارات كانت سلاح ذو حدين يا تكسب بيها يا تخسر بيها. وإحنا النهارده خسرنا بيها. كان المفروض كل لاعب يلعب ويحافظ على نفسه. زمان كنا نلعب ماتشات قبل القمة، وكان عندنا إنذار ونحافظ على نفسنا عشان ماتش القمة”.

واشار: “الإنذارات اللي اتاخدت الماتش اللي فات أنا كنت خايف منها، وده اللي حصل. إحنا كنا محتاجين بيزيرا النهارده. جبت جول في الشوط الأول، يعني الفرقة دي عايزة إيه؟ عايزه تتعادل”.

وأكمل عبد الحميد:” معانا عبد الله السعيد اللي يعرف يوصل الكورة، وكنا ممكن نجيب جول و2 و3. لكن عشان أخد إنذار ما لعبش. فده كان السلاح السلبي اللي حصل النهارده، لو كنا كسبنا 3 نقاط، كنت هقول ده الإيجابي، إنك ريّحت لاعب مهم عشان ماتش الأهلي”.

وأختتم: “لكن أنا بصراحة كزملكاوي يهمني 3 نقاط مش ماتش الأهلي. يهمني أسبق الأهلي بـ 5 أو 7 أو 8 نقاط. حتى لو اتعادلنا معاه، هفضل في القمة”.