اخبار الزمالك المصري : النادي على حافة الخطر ومفيش أي انفراجة مالية! فيديو
كشف الإعلامي أحمد شوبير في برنامجه الإذاعي صباح اليوم الأربعاء، عن تطورات جديدة تخص الأزمة المالية التي يمر بها نادي الزمالك، مؤكدًا أن الأوضاع داخل القلعة البيضاء وصلت إلى مرحلة خطيرة، وأن مجلس الإدارة يعيش حالة من الضغط والارتباك بسبب غياب الموارد المالية وسحب أرض أكتوبر.
عن الاجتماعات داخل نادي الزمالك: “امبارح كان فيه اجتماعات متتالية جوه نادي الزمالك، وكل الناس مستنية انفراجة مالية… منين؟ منين؟ الحقيقة مفيش أي مجال لانفراجة خالص، ومش عارف القصة رايحة على فين”.
عن تصريحات المهندس حسن هشام نصر: “المهندس حسن هشام نصر، نائب رئيس النادي، طلع وقال تصريحات مهمة جدًا بتوضح إن الوضع جوه الزمالك بقى صعب جدًا بعد سحب أرض أكتوبر.”
“قال بالحرف: الزمالك في وضع لا يُحسد عليه، والجهات اللي اتكلمنا معاها طمّنتا على موقفنا القانوني، لكن الزمن قاتل جدًا ومفيش رد واضح أو توقيت محدد.”
وأضاف: إحنا عندنا التزامات كتير جدًا، أولها كرة القدم، ومطالبين نسدد التزامات داخلية وخارجية، وكمان باقي الألعاب. الموضوع مبقاش إداري، إحنا وصلنا لمرحلة الجمود، والزمالك بقى قريب من منحنى الخطر.”
عن إمكانية رحيل مجلس الإدارة: “ولما اتسأل حسن نصر عن إمكانية رحيل مجلس الإدارة، قال: كل حاجة واردة في الظروف دي، خصوصًا لما ميبقاش عندي الأدوات اللي أشتغل بيها. كنا عاملين خطة نسدد بيها المستحقات، بس المصدر الأهم للفلوس اتسحب من المجل، حاولنا نساعد بقدر الإمكان، بس في حدود، ولو في حد يقدر يدير الملف ده، أهلاً وسهلاً بيه، وده كلام صريح جدًا، بيعكس قد إيه المجلس واقع تحت ضغط رهيب ومفيش حلول مالية واضحة.”
وعن دور المدير الرياضي جون إدوارد: “بيان الزمالك امبارح نفى تمامًا إن في نية لإنهاء تجربة المدير الرياضي جون إدوارد أو إنه زهق من الوضع. العكس، العلاقة بينه وبين مجلس الإدارة ممتازة جدًا، والراجل بيحاول يشيل اللي يقدر عليه.”
واستكمل: “جون حل مشاكل كبيرة، منها أزمة سكن اللاعب هون بيزيرا، وكمان أزمات بدلات سكن اللاعبين الأجانب. تخيّلوا، الزمالك عنده أزمة في بدلات السكن! حاجة صعبة جدًا، بس الراجل بيشتغل بضمير، والمجلس بيتعاون معاه، والمناقشات بينهم هدفها الصالح العام، مفيش حد بيحاول يفرض رأيه. لكن الأزمة المالية هي اللي عاملة ضغط على الكل وممكن تعكّر الجو في أي وقت.”
عن أسباب الأزمة وسحب أرض أكتوبر: “بصراحة مش عارف.. هل فعلاً كل الأزمة دي بسبب أرض أكتوبر؟ هل معقول الزمالك مش قادر يعمل لنفسه مصادر تمويل ثابتة تضمن له الاستقرار والثبات؟ الموضوع محتاج تفكير مختلف تمامًا.”
واختتم: “والكابتن حسين لبيب، الراجل ألف خيره، مرهق جدًا جسديًا وذهنيًا، ومع ذلك بيحاول يشيل النادي ويدعمه بكل الطرق، وده يُحسب له بصراحة.”
ملحوظة: مضمون هذا الخبر تم كتابته بواسطة موقع اخبار الزمالك , ولا يعبر عن وجهة نظر حضرموت نت وانما تم نقله بمحتواه كما هو من موقع أخبار الزمالك ونحن غير مسئولين عن محتوى الخبر والعهدة على المصدر السابق ذكرة.
