اخبار الاهلي المصري : سيد معوض: الأهلي محتاج خطة .. ومفيش مكان للأجنبي اللي مش هيعمل فارق زي معلول

تحدث لاعب الفريق الأول لكرة القدم بالنادي الأهلي السابق سيد معوض عبر قناة إم بي سي مصر عن صفقات القلعة الحمراء.

وقال سيد معوض:” أكيد النادي الأهلي محتاج صفقات، بس أنا نفسي يبقى في بلان “خطة” واضحة، إنت لازم تحدد أولوياتك، النهارده بتتكلم في 3–4 سنين، حدد الأماكن اللي إنت هتجيب فيها، حدد اللعيبة الصغيرة اللي هتكمل معاك، حدد صفقاتك، أنا مش عايز نمشي في نفس الدايرة: أجيب لعيب من نادي صغير موجود في الدوري، وأجي أمشيه بعد ست شهور أرجّعه ناديه تاني، وأجيب لعيب تاني وأفضل ماشي في نفس الدايرة دي سنتين تلاتة”.

وأضاف:” لازم يبقى عندك حلول. لازم اللعيب الأجنبي لو مش هيلعب على اللعيب المصري، وفرق المستوى يكون كبير، ما يجيش أصلًا. يعني ما تحطش في قائمتك لعيبة أجانب طالما هم مش هيعملوا الفارق معاك”.

وأكمل:” هضرب مثل بعلي معلول، علي معلول قعد خمس ست سنين في النادي الأهلي، لعيب أجنبي كان فارق معاك بشكل كبير جدًا، هي دي النوعية اللي تكمل معاك، وهي دي اللي لازم تفضل معاك، وهي دي اللي لازم تجيب بيها”.