اخبار الاهلي المصري : خالد الغندور يتعجب ويهاجم والسبب.. مفاوضات الأهلي وبتروجيت
تحدث خالد الغندور عبر قناة المحور عن طلب الأهلي لضم لاعب الفريق الأول لكرة القدم بنادي بتروجيت حامد حمدان رغم رغبة الزمالك في ضمه ومقارنته بتعاقد القلعة الحمراء مع القندوسي في وقت سابق.
وقال الغندور: “سأريكم شيئًا غريبًا وعجيبًا، النادي الأهلي احتياجاته واضحة جدًا، فنحن لاعبي كرة قدم، والأهلي يحتاج إلى ظهير أيسر قوي، وقلبي دفاع مميزين، وظهير أيمن قوي، بالإضافة إلى اثنين من رؤوس الحربة المميزين، على الأقل أحدهما مصري والآخر أجنبي”.
وأضاف :” كما أن هناك نية لرحيل أشرف داري، ومحاولات من الإدارة لتجديد عقد أليو ديانج، هذه هي احتياجات النادي الأهلي في يناير، وأهم مركز بالنسبة لهم هو رأس الحربة، يليه الظهير الأيسر”.
وأكمل:” هناك مفاجأة، كشف مصدر أن إدارة النادي الأهلي فتحت خطوط تفاوض مع نادي بتروجيت من أجل ضم اللاعب الدولي الفلسطيني حامد حمدان ، وقال المصدر في تصريحات خاصة إن إدارة الأهلي تواصلت مع مسؤولي بتروجيت للتعاقد مع اللاعب، وقد أبدى النادي البترولي موافقة مبدئية على انتقاله للأهلي، خاصة بعد أن قدم الأخير عرضًا ماليًا كبيرًا”.
وأزاد :” اللاعب نفسه رحب بالانتقال إلى القلعة الحمراء، فيما أبدى المدير الفني ييس توروب إعجابه باللاعب بعد متابعته في مباراة بتروجيت، مؤكدًا: “اللاعب مميز جدًا وأريده في الفريق لدعم خط الوسط الدفاعي للأهلي”.
وأردف: “قصة تدعيم خط الوسط الدفاعي للفريق لأن ما فيش في المركز ده غير مروان، ده كلام هجص في هجص، لأن مروان بالفعل بيلعب في مركز 6، وكمان عندك ديانج وكوكا، والأهم من كده إن حامد حمدان ما بيلعبش رقم 6 أصلاً، هو لاعب رقم 8، يعني بيقوم بدور الوسط المتقدم مش الدفاعي”.
وأوضح:” وهنا السؤال، فاكرين لما الزمالك كان داخل يخلص صفقة القندوسي؟ وقتها كولر ما كانش يعرف عنه حاجة، ولا حتى محتاجه، والزمالك كان قريب جدًا من التعاقد معاه، لكن الأهلي دخل بسرعة وأنهى الصفقة، في الوقت اللي كان كولر بيقول في كل مؤتمر صحفي: أنا محتاج رأس حربة ، فوجئ الزمالك برفع السعر وضم القندوسي، اللي في الأصل صانع ألعاب، ولما جه كولر لعبه ماتش واتنين، ثم طالب برحيله، لأنه ببساطة مش اللاعب اللي محتاجه”.
وتابع :” الأهلي دلوقتي أولوياته معروفة، رأس الحربة رقم واحد، الظهير الأيسر رقم اثنين، ممكن مدافع رقم ثلاثة، وبعد كده الظهير الأيمن ، لكن حامد حمدان؟ عندك ديانج ومروان عطية ومحمد علي بن رمضان وإمام عاشور، وحتى زيزو ساعات بيلعب جوه الملعب، يبقى إزاي تجيب لاعب مش محتاجه؟ هل بس عشان الزمالك كان عاوزه؟ دي حاجة غريبة جدًا”.
واختتم حديثه قائلًا:” الأغرب إن الزمالك كان مرتبط بكلمة مع بتروجيت، وبتروجيت في بداية الموسم رفض يبيع اللاعب بأربعين مليون، والنهارده بقى موافق يبيعه بعشرين ، وقتها قالوا إن رئيس نادي بتروجيت صاحب كابتن محمود الخطيب، وإنه هو اللي سهل الصفقة. إحنا وقتها قلنا الكلام ده مش حقيقي، لكن لو فعلًا بتروجيت أجل البيع مخصوص عشان الأهلي يضمه في يناير، يبقى فعلاً في كلام كتير ورغي أكتر، ومحدش فاهم حاجة في الملف ده”.
ملحوظة: مضمون هذا الخبر تم كتابته بواسطة موقع جماهير الأهلي , ولا يعبر عن وجهة نظر حضرموت نت وانما تم نقله بمحتواه كما هو من موقع جماهير الأهلي ونحن غير مسئولين عن محتوى الخبر والعهدة على المصدر السابق ذكرة.
