اخبار مصر - صل 40 فجرًا واكسب 1000 جنيه.. مسابقة في أحد مساجد البحيرة

مصراوى 0 تعليق 0 ارسل لصديق نسخة للطباعة تبليغ

- البحيرة – أحمد نصرة:

أعلن مسجد ناصر، بمدينة دمنهور، بالبحيرة، عن مسابقة لتحفيز الأطفال من سن 10 إلى 14 سنة، وتشترط المسابقة صلاة الطفل لمدة 40 يومًا متواصلة دون انقطاع ويحصل بعدها الطفل على مبلغ 1000 جنيه مكافأة من المسجد.

وقال الإعلامي محمد علام عضو مجلس إدارة المسجد، إن فاعل خير تبرع بمبلغ 10 آلاف جنيه للمسابقة، بواقع 1000 جنيه لكل فائز وفي حالة انطباق شروط الفوز على أكثر من 10 أطفال تجرى قرعة بينهم وتوزع الجوائز بعد صلاة يوم الجمعة 15 سبتمبر.

وأوضح علام أن من يريد المشاركة وتحفيز طفله على صلاة الفجر من أبناء الحي عليه بالتسجيل في المسجد قبل فجر يوم الأحد الخامس من أغسطس.

ولاقت المسابقة ترحيبًا كبيرًا من أهالي مدينة دمنهور، قالت منى أحمد: "فكرة ممتازة يارب تتنفذ وكل المساجد تشارك ونجمع تبرعات رمزية من المصلين لتحفيز الأطفال على الصلاة جماعة وينشأ شباب متدين".

وأبدى محمد ريحان تحمسه للمسابقة موضحًا: "هتبقى تحفيز كويس للأطفال بدل مابيلعبوا في الشوارع طول الليل، ويناموا طول النهار ده حينظم وقتهم جدًا ويتعلموا حاجات كتير".

وقالت فاطمة عباس: "ياريت يكون فيه مكان للسيدات علشان لو مامته هي اللي تنزل معاه"، ورحبت سلمى أحمد بالفكرة قائلة: "يا ريت كل المساجد تعمل كدة ولو بهدايا بسيطة، في كتير من الأولاد مش بيروحوا المسجد وبالتالي ميعرفوش حاجة عن دينهم".

في المقابل أبدى البعض اعتراضه على المسابقة منهم رانيا حسن التي تساءلت متعجبة: "مش فاهمة إزاي عاوزين تخلوا الأطفال تصلي عشان المقابل المادي؟".

وطالب أحمد شريف باستبدال الجائزة المادية بهدايا قيمة للطفل، واتفقت معه مي حجاج التي قالت: "الفكرة حلوة بس تكون الجائزة هدية للطفل عجلة أو أي حاجة بـ1000 جنيه عشان كدا إللي هيروح هيبقى رايح عشان الفلوس".

عزيزي الزائر لقد قرأت خبر اخبار مصر - صل 40 فجرًا واكسب 1000 جنيه.. مسابقة في أحد مساجد البحيرة في موقع حضرموت نت | اخبار اليمن ولقد تم نشر الخبر من موقع مصراوى وتقع مسئولية صحة الخبر من عدمه على عاتقهم ويمكنك مشاهدة مصدر الخبر الأصلي من الرابط التالي مصراوى

للمزيد من التفاصيل والاخبار تابع حضرموت نت على الشبكات الاجتماعية


0 تعليق