اخبار الزمالك المصري : الزمالك لازم يتدرس في المناهج!

أشاد الإعلامي مهيب عبد الهادي بأداء نادي الزمالك وروح لاعبيه خلال المرحلة الحالية، مؤكدًا أن ما يقدمه الفريق رغم الظروف الصعبة يستحق الاحترام والإعجاب.

قال مهيب خلال ظهوره في برنامج “اللعيب” على قناة MBC مصر:
“والله العظيم نادي الزمالك ده بطل كبير.. في الظروف الصعبة دي والمشاكل دي كلها، ولعيبة مفهاش فلوس، والأزمات المالية، وتغيير المدرب وكل حاجة، واقف بطل وبيحقق نتائج”.

وأضاف: “أنا نفسي والله يا جماعة بتكلم جد، تدرسوا نادي الزمالك في المناهج.. الزمالك عزيمة وإرادة وقوة، ومهما يضرب شمال ولا يمين واقف وصامد، ومفيش حد يقدر يعمل كده غير الزمالك”.

وتابع: “أنا مشوفتش فريق بالشكل ده، نادي الزمالك كبير بتاريخه وبطولاته وجماهيره العظيمة، وواقف صامد في كل الظروف”.

وختم تصريحاته قائلاً: “تخيلوا لو الزمالك مفيهوش مشاكل مالية، واللعيبة واخدة فلوسها بانتظام، ومعاه مهاجم جامد ووينجات جامدة، كان هيعمل إيه؟ لأ الزمالك بطل بجد”.