عمار ياسر يكشف تفاصيل أزمته داخل الزمالك – كل الكورة
أثار عمار ياسر، لاعب فريق ناشئي الزمالك، الجدل بعدما نشر عبر حسابه الرسمي على موقع التواصل الاجتماعي “إنستجرام” رسالة مطولة كشف خلالها عن معاناته داخل النادي منذ عودته قبل أكثر من عام.
وقال اللاعب في رسالته: “أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده. من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وكأني كنت طالع غضب عن حد أو واخد مكان حد. من الموسم الماضي وحتى الآن بيجيلي عروض إعارة وبيع، لكنها كانت تُرفض دون أن أعرف السبب.”
وأضاف: “من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترفتش. ولما أسأل، يقولوا مفيش فلوس وإن النادي بيمر بأزمة. طب أنا أعيش إزاي وأصرف منين؟.. بعد كل ده مطلوب تيجي التمرين وتلعب ومتتكلمش. أنا مش بشتكي، لكن حبيت الناس تعرف أنا في إيه وبيمر بي إيه.”
وتأتي تصريحات اللاعب في وقت يمر فيه نادي الزمالك بأزمات مالية وإدارية، وسط مطالبات من الجماهير بحل مشكلات لاعبي الفرق السنية.
ملحوظة: مضمون هذا الخبر تم كتابته بواسطة كل الكورة , ولا يعبر عن وجهة نظر حضرموت نت وانما تم نقله بمحتواه كما هو من موقع كل الكورة ونحن غير مسئولين عن محتوى الخبر والعهدة على المصدر السابق ذكرة.
