اخبار الزمالك المصري : نيران زملكاوية في الاستوديو.. عبد الحليم وصبري يهاجمان قرار فيريرا!
شهدت قناة الزمالك نقاشًا قويًا بين الكابتن أحمد عبد الحليم والكابتن محمد صبري، حول أزمة تنفيذ محمد السيد لركلة الجزاء في مباراة الزمالك أمام ديكيداها الصومالي، وسط انتقادات جماهيرية كبيرة للمدير الفني يانيك فيريرا.
قال أحمد عبد الحليم خلال الاستوديو التحليلي: “أنا بقولك أهو من استوديو قناة الزمالك، خلاص اللي يزعل يزعل. في بعض التعاملات الخاطئة سواء فنية أو إدارية، وده اللي وصّلنا للموقف اللي حصل النهارده. لما تبقى المدرجات كلها مش راضية عن لاعب، وتروح تقوله خد الكورة وشوطها، طبيعي التوتر يسيطر عليه، ومن الصورة تقدر تقول إنه هيضيعها. التوتر بيخلي اللاعب مش شايف الجون، ودي أبجديات كرة القدم مش كلام إنشائي.”
وتحدث محمد صبري مؤكدًا اعتراضه على قرار فيريرا، قائلًا: “محمد السيد مكنش بيشارك أصلًا مع فيريرا، فإزاي تدعمه على حساب جمهور الزمالك؟ هو بنفسه قال في المؤتمر إن الهتافات كانت ضد اللاعب فقرر يدعمه! الدعم ده مش يكون على حساب الجمهور، لأن جمهور الزمالك هو اللي بيشيل الفريق من أول يوم، بيتحمل الأداء والنتائج وبيشجع حتى في الخسارة.”
وأضاف صبري: “فيريرا لازم يراجع نفسه، الجمهور وقف معاه بكل احترام، لكن مينفعش لما تسمع هتافات من المدرجات ضد لاعب ترد بدعمه بطريقة استفزازية. الجمهور خط أحمر، ولازم كل قرار في الزمالك يكون نابع من احترام الجماهير قبل أي شيء.”
ملحوظة: مضمون هذا الخبر تم كتابته بواسطة موقع اخبار الزمالك , ولا يعبر عن وجهة نظر حضرموت نت وانما تم نقله بمحتواه كما هو من موقع أخبار الزمالك ونحن غير مسئولين عن محتوى الخبر والعهدة على المصدر السابق ذكرة.
