اخبار الزمالك المصري : عمرو زكي يكشف سبب ظهوره الإعلامي بعد غياب طويل

كشف عمرو زكى نجم الزمالك السابق، عن أسباب ابتعاده عن الساحة الرياضية خلال الفترة الأخيرة وسر ظهوره الإعلامي.

وقال زكى، فى تصريحات لبرنامج “الكلاسيكو”، المذاع على قناة” أون”: “الحياة كانت وخدانى فحصلت حاجات فى حياتى مش أحسن حاجة”.

وأردف:” الحادثة أثرت عليا نفسيًا ماديًا.. وفاة والدى أثر معايا جدًا ولذلك كنت بعيدًا عن المشهد خلال السنوات الأخيرة”.

و شدد زكي: “أمى مبسوطة دلوقتى بسبب ظهورى أنا دلوقتى بفرح أمى ولولا دعوتها دلوقتى مكنتش طلعت تلفزيوينيا، حاسه بيا وحاسه إنى مظلوم وصعبان عليها قعدتى وإنى مش شغال”.

واضاف:” أخويا الكبير صابر هو أبويا التانى وسندى ودايمًا بيوجهنى وفيه ناس كانت عاوزه تستفاد منى ماديا ومش بحب أتعامل مع الناس دي”.

وواصل زكي: “مبحبش الظهور في وسائل الإعلام طالما مفيش حاجه مهمة هقدمها، ولا بحب احس أن حد عايز يقدملي خدمة انا مليش دور فيها”.

وأختتم:” يعني لما حصل كلام عليا وقتها نادي الزمالك طلبني وروحت طبعاً بس مكنتش مبسوط ولا راضي لأن مكنتش حاسس اني جاي اعمل حاجه ولا ليا دور في خطة ولا استراتيجة عشان النادي يستفاد من وجودي فرفضت”.