اخبار الزمالك المصري : حازم إمام يكذب تصريحات فيريرا عن الزمالك

أكد حازم امام، المدرب العام للزمالك السابق، أنه ما قاله البرتغالي يانيك فيريرا، المدير الفني السابق للفارس الابيض غير صحيح.

وقال إمام، خلال تصريحات تليفزيونية ببرنامج “اللعيب،” عبر قناة “mbc مصر”:” كلام فيريرا ان ملعب الزمالك سيئ وهو اشتكى اكتر من مره، وروحنا العاصمه الاداريه عملنا معسكر الاعداد، والزمالك تعاقد مع شركة صيانه، والملعب بعدها كان افضل مايكون وتم لعب عليه مباريات، ودي نقطه يتحجج بها وانا قولتله نرجع الملعب في الزمالك رفض”.

و أضاف: ” لم يحصل ان فيريرا ساعد اللعيبه باموال كما قال، في لعيبه كتير مكنتش تحب تتكلم معه لانه كان صدامي”.

و شدد إمام: “كنت بحترم فيريرا لكن تصريحاته عن الزمالك لا تليق، وفي مدربين كبار رحلوا ولهم اموال واتكلموا عن الزمالك باحترام، ممكن اختياره كان خطأ زي ما ممكن تجيب لاعب ميوفقش”.

واردف:” اتكلم ان الاشتراك في تقنيه التحليل توقفت و معرفش يحلل الاهلي، حصل التقنيه وقفت يومين ورجعت، المفروض انا هلاعب الاهلي، مين في الرياضه المصرية ميعرفش الاهلي؟، لو دي الحجه كان ممكن تطلب من محلل الاداء بتاعك يحلل لك الاهلي، ولو كنا كسبنا كان هيتكلم على التقنيه؟ “.

وأختتم:” احنا عندنا ازمة ماليه بسبب الارض، الموسم بدايته كانت غير كده، اللعيبه اخدت مستحقات وبعد كل ماتش بياخدوا المكافات هم والجهاز لحد ماحصل موضوع الارض والدنيا قلبت”.