اخبار الزمالك المصري : تعليق مثير من شيكابالا على بيان الزمالك بشأن أرض أكتوبر.. ورسالة هامة للدوله والمجلس
علق محمود عبد الرازق شيكابالا، نجم الزمالك السابق، على بيان الفارس الأبيض بشأن أزمة أرض أكتوبر ورفض فكرة الارض البديلة.
وقال شيكابالا، خلال تصريحات تليفزيونية ببرنامج الكورة مع فايق، عبر قناة “mbc مصر 2″:” بعد بيان الزمالك انا سعدت بالبيان، لان اول مره اشوف مجلس واقف مع الجماهير عاوزينهم يقفوا واحنا في ضهرهم انا حاليا شيكابالا الزملكاوي المشجع مش اللاعب”.
وأضاف:” احنا بنحارب علشان نكون موجودين مش علشان ننافس، الزمالك كيان كبيره وتاريخه كبير ولازم الدوله تقف معنا احنا مش بنلعب دور الضحيه ولكن ساعدني واقف معه بدل ما نصلح قالك نسحب طيب نروح فين؟’.
وشدد شيكابالا:” الاسماعيلي والمنصوره فين وطلعت لنا نجوم مصر فين المنصوره، احنا عاوزين نطلع من دايرة نستلف بنتأخر بنتعاقب، المجلس دفع ارقام مرعبه مش بتاعتهم وناس كتير ساعدت انا كجمهور اعمل ايه، هوانا لما اتفرج على بيراميدز هنا مش متضايق”.
وواصل: “انا مش ضد حد انا بتاع الزمالك وبتكلم كواحد بيشجع الزمالك، متعرفوش لما بيخسر بنكون عاملين ازاي، انا معكم لو معكم حلول انا مش ضدكم ياجماعه نفسي المجلس ده واللي بعده يكون في موارد”.
وأردف شيكابالا:” الارض لما اتعملت وادفع فلوس واتاخدت مننا هندفع فلوس للاعبين والمدربين ولا اللي دفعوا للارض لو الناس مبسوطه بوضع الزمالك نقفل النادي، نقفله مفيش حلول هل نلعب بالناشئين”.
وزاد:” انا جيت قولتلك مؤسسه تابعه للدوله اقف معي انا هقفل، اتاخرنا والادارات السابقه برده اتاخرت والناس بدأت يبقى نقف معهم”
وأستأنف شيكابالا:” اللعيبه اللي بتفسخ وعاوزه تمشي، حاسس ان موضوع اللعيبه في وقت واحد امر مش طبيعي لعبت مع محترفين ومنهم المثلوثي وعمره ما اتكلم واللي يقدموا في وقت واحد ده مش طبيعي”.
وأختتم: “الدوله نفسي تقف مع الزمالك انتم بتملكوا النادي وله جمهور كبير، مدير الكرة في المنتخب الاردني وهو بيكلم على الزمالك شوف شعبيته”.
ملحوظة: مضمون هذا الخبر تم كتابته بواسطة موقع اخبار الزمالك , ولا يعبر عن وجهة نظر حضرموت نت وانما تم نقله بمحتواه كما هو من موقع أخبار الزمالك ونحن غير مسئولين عن محتوى الخبر والعهدة على المصدر السابق ذكرة.
