اخبار الزمالك المصري : الزمالك يسير على الطريق الصحيح.. ولوعاد بي الزمن لن أفعل هذا الأمر
شدد محمود عبد الرازق شيكابالا، نجم الزمالك السابق، أن الفارس الأبيض يسير على الطريق الصحيح هذا الموسم، وأشار إنه لو عاد به الزمن لن يدخل في مشاحنات مع أحد.
وقال شيكابالا،خلال تصريحات تليفزيونية ببرنامج “الكورة مع فايق”،عبر قناة “mbc مصر 2″ ردا على سؤال هل الزمالك يسير في الطريق الصحيح؟:” إن شاء الله، أنا مطمن لأن مش سامع حاجة عن الزمالك، والشيء الجيد إن مفيش حد بيتكلم على لسان فريق الكرة، إللي بيتكلم بيتكلم عن نفسه، ودي بوادر إننا ماشيين في الطريق الصحيح، هتقع وتقوم إنت في مرحلة البناء لكن إحنا ماشيين في حتة كويسة”.
.
وأكمل: “القرار إللي امسحه من حياتي؟، كل الخناقات، لأنها مش شخصيتي، لأني بره الكرة عمري ما اتخانقت مع حد، في حاجات منها كنت بقول لنفسي مش انا اللي اعمل كده، بس بعد ما بروح وأهدى، لكن في الموقف نفسه لما بسمع حاجات لازم أرد”.
وأردف شيكابالا:” القرار الأفضل في حياتي؟، هو إني اعتزلت في الزمالك، وقت من الأوقات كان في رغبة إني معتزلش في النادي بسبب مشاكل مع ناس كانت موجودة، لكن اعتزالي في الزمالك شرف ما بعده شرف”.
وأجاب ردا على سؤال من بطل الدوري هذا الموسم؟:” مش معروف الآن، لو سأ توقع سأقول الزمالك”.
واستطرد شيكابالا:” الحصان الأسود في الدوري على الورق البنك الأهلي بالصفقات اللي تعاقد معها لكن بدايتهم لم تكن الأفضل، لكن المصري ممكن لأن عندهم روح ولاعبين جيدين ومدربين كبار”.
وأشار:” اللاعبين المتوقع تألقهم في الدوري هما دغموم من المصري ومحمد مسعد من مودرن سبورت”.
واستأنف شيكابالا: ” لاعب مؤثر في الزمالك هذا الموسم ؟ هو خوان ألفينا”.
وتابع: “بيراميدز سيكون أقل في الموسم الحالي، الموسم الماضي كانوا بيلعبوا بروح، لكن السنة دي حاسس إنهم مش مركزين وحسوا إنهم عملوا كل حاجة الموسم الماضي، لكن المفروض تبقى جعان بعد البطولة الكبيرة، لكن حاسس إنهم مش جعانين”.
واضاف شيكابالا:” أقوى فريق من الثلاثي الزمالك و بيراميدز الأهلي ؟ هو بيراميدز لأن ليس عندهم مشاكل في أوضة اللبس، وبعده الأهلي ثم الزمالك، وفيه سيراميكا والمصري”.
وأختتم: “انا بحب ديانج جدًا، المفروض يلعب وبعدين تحط اللاعبين حوليه، بن رمضان لاعب كبير جدًا ويشبه فرجاني ساسي، وبن شرقي لاعب كبير كوالتي مش موجود، وسام كان لاعب كبير، فيستون ماييلي وتوريه والكرتي جامدين أوي، الشيبي لاعب مختلف وذكي”.
ملحوظة: مضمون هذا الخبر تم كتابته بواسطة موقع اخبار الزمالك , ولا يعبر عن وجهة نظر حضرموت نت وانما تم نقله بمحتواه كما هو من موقع أخبار الزمالك ونحن غير مسئولين عن محتوى الخبر والعهدة على المصدر السابق ذكرة.
