اخبار الزمالك المصري : مقدمة نارية من مهيب عبدالهادي بعد تعادل الزمالك مع البنك الأهلي.. ويوجه سؤال مفاجئ

انتقد الإعلامي مهيب عبدالهادي أداء نادي الزمالك بعد تعادله الأخير أمام البنك الأهلي في بطولة الدوري المصري الممتاز، مؤكدًا أن الفريق يمتلك عناصر قوية تؤهله لتحقيق الانتصارات بسهولة، لكن هناك أمورًا غير مفهومة داخل النادي.

وقال مهيب عبدالهادي عبر برنامجه اللعيب على قناة MBC مصر: “الزمالك بالمستوى اللي شوفته المفروض يكسب ويكسب مرتاح، لكن في حاجات مش مفهومة خالص، في لاعيبة تحس إنها جاية تستمتع بالمباراة، لا يهمها الفريق يكسب ولا يتعادل ولا يخسر، كأنهم مش في نادي الزمالك”.

وأضاف: “في الأهلي والزمالك مفيش هزار.. أنت نازل تكسب مش تتفسح. في لاعيبة مش فاهمها خالص زي شيكو بانزا، جاب جول؟ متشكرين، بس طول التسعين دقيقة مفهمتش بيعمل إيه. وعمرو ناصر ضيّع كرة سهلة جدًا قدام المرمى وكأنه مفيش حاجة حصلت”.

وتابع: “فيريرا المدير الفني كمان مش مفهوم، وقت ما الزمالك كان ضاغط راح عمل تغييرات فكت الفريق بدل ما تدعمه. طلع اللعيبة اللي مفروض تكمّل الضغط ونزل اللي خلصوا على الفريق، ودي مش أول مرة تحصل”.

وأشار مهيب إلى أن الفريق الحالي لا يفتقد الجودة كما كان يُقال سابقًا، موضحًا: “كنا بنقول الكواليتي، لأ دلوقتي الزمالك عنده فريق يكسب، المفروض يكسب دجلة والجونة والأهلي والمحلة والبنك الأهلي، لكن في حاجات فعلاً مش مفهومة”.

واختتم حديثه قائلًا: “في الحالة اللي فيها الأهلي دلوقتي، الزمالك كان المفروض يكون فارق 10 أو 12 نقطة في الدوري، الموضوع محتاج وقفة حقيقية”.