اخبار الزمالك المصري : شيكابالا يوجه طلبًا لـ الزمالك والأهلي.. ويكشف سر لأول مرة!

واصل محمود عبد الرازق شيكابالا، نجم الزمالك السابق، إطلاق رسائل دعم للروح الرياضية، مؤكدًا رغبته في إقامة مباريات خيرية بين الأهلي والزمالك، على أن تذهب إيراداتها لدعم الرياضيين، مع دعوته لتهدئة الأجواء بين الجماهير.

وخلال ظهوره في برنامج الكورة مع فايق على قناة MBC مصر، قال شيكابالا: “نفسي أشوف ماتشات خيرية بين الأهلي والزمالك يكون الاستاد متقفل والإيرادات تتحط للحاجات اللي ليها علاقة بالرياضيين. ونفسي كمان أشوف الأهلي بيلاعب المصري والمشاكل تتحل، والزمالك يلاعب الإسماعيلي والدنيا تصفى.”

كما كشف نجم الزمالك عن موقف إنساني جمعه بالإعلامي إبراهيم فايق أثناء فترة كورونا، قائلاً: “في لاعب في الأهلي الناس كانت بتنتقده بشدة. روّحت لإبراهيم وقلتله ياريت تتكلم عنه كويس في البرنامج وتخلي الناس تساعده. اللاعب ده مش بيعرف يلعب تحت الضغط، وعمري ما قلت لأي حد عن اللي عملته.”

وطالب شيكابالا الجماهير بوقف الشتائم الموجهة للاعبين وأسرهم: “إنت النهاردة بتشتم لاعب بأمه، ومراته هتستفاد إيه؟ ممكن بكرة مش تلاقيه موجود. اللاعب ليه أهل، وإحنا بنشجع لازم نفهم ده. بلاش ندوس على الحتة المكسورة. إحنا في لحظة كلنا مش موجودين.”

وتطرق أيضًا لموضوع دعم اللاعبين، منتقدًا التعامل المتأخر بعد الأزمات أو الوفاة، مستشهدًا بحالات مثل محمد صبري وأحمد رفعت: “نقعد شهر أو اتنين نتكلم عن محمد صبري وبعدين كله بينسى. فيه لاعيبة في الدرجات التانية والتالتة والرابعة محدش يعرفهم.. لو حصل لهم ظرف زي ده أسرتهم هتعيش إزاي؟ لازم المسؤولين يشوفوا ظروفهم قبل فوات الأوان.”

وأضاف: “بعد أحمد رفعت اتكلمنا شهر واتنين.. حد اتعاقب؟ حد عمل حاجة؟ لاء، بنستنى الناس تموت ونتكلم عنهم حلو. طيب ليه ما بياخدوش حقهم وهما عايشين؟ يا رب يكون درس. الدنيا مش مستاهلة.”