اخبار الزمالك المصري : دخل الزمالك 800 مليون جنيه من أرض أكتوبر وتم صرفها في هذه الأمور

أكد حسام المندوة، أمين صندوق الزمالك، أن النادي حصل على 800 مليون جنيه قيمة بيع الوحدات الإدارية في أرض السادس من أكتوبر قبل سحبها من وزارة الإسكان.

وقال المندوة، خلال تصريحات تليفزيونية عبر قناة “أون”:” خدنا 800 مليون جنيه من بيع الوحدات الإدارية بفرع اكتوبر، وكنا شغالين فيها بشكل طبيعي، عملنا حساب خاص بنادي الزمالك فرع 6 أكتوبر”.

وأشار: “اوجه صرف الـ800 مليون؟، المقاول أخد جزء من الـ800 مليون علشان يبدأ البناء في فرع أكتوبر، وجزء تاني راح لمستحقات اللاعبين والأجهزة الفنية، وبعد كده الناس قالت: “جبتوا الفلوس منين؟”

وأكمل المندوة:” طلبنا مهلة إضافية لبناء فرع اكتوبر وحصلنا على موافقة رسمية تنتهي في عام 2026، لكن في بعض اللخبطة في العرض اللي اتقدم للقيادة السياسية ممكن يكون سبب الأزمة “.

وتابع:” عملنا تصميمات معتمدة بالموافقات الوزارية، باستثمار الـ20 فدان، وهيئة المجتمعات العمرانية حددت بعض الرسوم وقدرت بـ850 مليون جنيه، دفعنا منهم 40 مليون، واتفقنا مع المقاول، وسوقنا الوحدات الإدارية”.

وأختتم:” وزير الإسكان ووزير الرياضة عاملين مجهود كبير جدًا، وبيطمنونا دايمًا، لكن طول الفترة دي في حالة من الارتباك لأن في استثمارات بتتوقف وفلوس داخلة محتاجة تنظيم، الفلوس فيها نسب متفق عليها للمطور والمقاول، وكمان اتفقنا مع شركة لتسويق العضويات وكانت هتدخل فلوس كويسة للنادي”.