اخبار الزمالك المصري : تعليق مؤثر من شيكابالا على رفع الجماهير لصورته بالمدرجات والهتاف له.. ولقطة مشجع الزمالك

علق محمود عبد الرازق شيكابالا، لاعب الزمالك السابق، على هتافات الجماهير له خلال مباراة المقاولون العرب في الدوري، ورفع صورته في الدقيقة العاشرة.

وقال شيكابالا، خلال نصريحات تليفزيونية ببرنامج “الكورة مع فايق”، عبر قناة “mbc مصر 2″:” وانت بتتفرج الموضوع صعب وانت قاعد مش عارف تعمل حاجه، كل الناس بعد ماتش المقاولون قالوا الجمهور مش هيروح اللي بعده، لكن الجمهور ده عظيم والملعب اتغير وحجزوا وراحوا، في واحد نزل له فيديو رايح في عربيه نقل الناس دي تتشال على الراس”.

وأضاف: “الامور دي بتفرق مع اللاعب، ولما نزلوا ماتش مودرن وشافوا جمهورهم اعطاهم دفعة كبيرة، جمهور الزمالك عمره ما اتاخر وبيقرب اكثر في الاوقات الصعبه”.

وأختتم:” رفع صورتي في المدرجات اعظم حاجه حصلت لي ان اشوف ان قريب منهم كده ومكنتش اعرف وحاجه اسعدتني وعمرها ماحصلت مع لاعب في مصر وهم مش اي جمهور”.