اخبار الزمالك المصري : بسبب الكفتة.. مجدي عبدالغني يفتح النار على محمد هاني ويطالب اتحاد الكرة بالتدخل

انتقد مجدي عبدالغني نجم الأهلي السابق، خلال ظهوره عبر قناة الشمس، الأزمة المثارة حول طرد محمد هاني لاعب الأهلي في مباراة فريقه الأخيرة، مؤكداً أن ما يحدث حالياً لم يكن موجوداً في زمنه كلاعب.

وقال عبدالغني: “الأهلي عامل مشكلة كبيرة جدًا بسبب طرد محمد هاني، ومش عارف ده ميزة ولا عيب. أيامنا إحنا مكنش فيه الكلام ده، اللاعب لو اتطرد أو أخد إنذار كان يتعاقب فوراً”.

وأضاف: “الكابتن محمود الخطيب، مصطفى عبده، أنور سلامة، محسن صالح، وطاهر الشيخ – كلهم عايشين، واسألوهم.. عمرنا ما شفنا لاعب يسخر من الحكم أو يعترض بالشكل ده. الكلام اللي اتقال إن محمد هاني قال للحكم محمد معروف (إنتوا حكام كفتة) لو صح، يبقى كارثة”.

وأوضح أن التعليمات كانت واضحة في فترة لعبه: “أقسم بالله كان فيه تحذير شديد اللهجة: أوعى تتكلم مع الحكم. عمرنا ما روحنا للحكم إلا لو الماتش صعب ومش عارفين نكسب”.

وأشار إلى أن الحكام معرضون للأخطاء مثل أي بشر، لكن ما يحدث حالياً أمر خطير: “اتحاد الكرة لازم يتحرك، مش نستنى لما تحصل مصيبة. ما ينفعش لاعب يتكلم مع الحكم يقوله (إنت معندكش فكرة) أو (متقدرش تطردني). لو ده حصل لازم يتأكدوا منه فوراً”.