اخبار الزمالك المصري : “الأهلي ممكن يضم لاعب من الزمالك بدل ديانج.. والصفقة نارية!”

أشعل الإعلامي مهيب عبد الهادي الجدل بتصريحات مثيرة حول تحركات إدارة النادي الأهلي في سوق الانتقالات الشتوية المقبلة، مؤكدًا وجود محادثات أولية لإتمام صفقة تبادلية ضخمة بين الأهلي ونادي الوكرة القطري تتضمن انتقال المالي أليو ديانج مقابل عودة الدولي المصري حمدي فتحي إلى الأحمر.

وقال مهيب عبد الهادي في تصريحات عبر برنامج “اللعيب”، على قناة “mbc masr”: “طيب ديانج في كلام إن حمدي فتحي يرجع الأهلي وديانج يروح الوكرة قطر عملية تبادل دون حمدي فتحي نديكم ديانج بس مع الفارق طبعًا”.

وتابع: “يحصل أو ما يحصلش مش عارفين لكن مع الفارق في إيه؟ إن ديانج خلاص في يناير يحق له التوقيع. أما حمدي فتحي ف عقده ممتد، فلو الصفقة دي تمت هتبقى مين اللي كسبان فيها؟ النادي الأهلي”.

وأضاف: “النادي الأهلي شغال الله ينور. يعني في ناس بتسافر بره هنا واللي هنا واللي هنا الناس بتجري على اللعيبة وعلى حاجات كتير جدًا تخص الاستثمار في النادي الأهلي، يعني النادي الأهلي وهو فوق فوق فوق فوق فوق شغال شغال شغال شغال”.

وأردف: “طيب لو ده ما حصلش هل ممكن نشوف محمد السيد اللي يحق له التوقيع في يناير في النادي الأهلي؟ لاعب الزمالك محمد السيد لاعب الزمالك. ممكن يكون بديل ل ديانج في يناير.طيب الأهلي عايز فيستون مايلي. معرفش بقى شوفوها بقى إزاي. إزاي دي معرفش الأهلي عايز ميلي وبأي ثمن مع أن سعره نط بقى يخش في الـ 7-8 مليون ليه هو. الأهلي عايز مايلي نعمل إيه؟ إيه رأيكم؟”.